Festenal Camins de Crabas
Lo festenal Camin de Crabas foguèt creat per l'IEO de Tarn en 2001. Met a l'aunor la Cornamusa de la Montanha Negra, que li dison la craba sul penjal tarnés e la bodega sul penjal audenc. Facha d'una pèl de craba entièra revirada (d'aquí son nom) aquesta cornamusa es un element màger del país masametòl amai de la cultura occitana.
Lo fèstenal la vòl téner d'avalorar, de far conéisser amai de tornar far viure. De mèrces ela se tòrna descobrir la granda riquesa del patrimòni musical de Lengadòc Naut. Lo fèstenal fa plaça tanben a l'autre instrument tipic de l'airal, lo graile, Autbòi des Monts de Lacauna. E lo public tot se maina qu'aquestes instruments doblidats ganhan d'èsser conescuts.
Segon lo principe del fèstenal, la craba aculhís las cornamusas d'endacòm mai.La dimenjada es la dels concèrts (a gratis) e dels rescontres amb d'autres gropes de païses o regions diferents amb cadun sa cornamusa particulària. Es aital que lo fèstenal reçaupèt la Raitana (Asturias), Valassky Voyvada (Tchequia), Xarabal (Galicia), Yennayer (Kabilia), lo Bagad de Lorient, los Bohaires de Gasconha, l'espectacle pirotecnic del grope Òc, Gasconha, Guilhèm Lopez en Companhia, o lo jove grope de rock occitan Brick a Drac.
Los gropes convidats en 2017
Festenal occitan de cornemusas
Camins de Crabas
a Castras, los 28 e 29 de julhet de 2017
Qu'es aquò ? Qu'es aquò ? (*)
La craba, cornamusa tradicionala de la Montanha Negra, e lo graile, autbòi dels Monts de La Cauna e del Sidòbre, e lo sieu convidat, la boha, cornamusa gascona, seràn a l'onor tot aqueste dissabte, a l'escasença d'un recampament bèl de musicians (mai d'un cinquantenat !) e de dançaires.
Aquestes dos instruments, qu'èran fòrça espandits dins nòstre despartament, an mancat de desaparéisser aprèp la primièra guèrra mondiala.
Qualques apassionats los an volgut tornar far viure e lor pratica se desvolopa uèi, subretot gràcias a lor ensenhament al Conservatòri de Musica de Tarn, a Castras, Masamet, Albi e l'Escòla de Bodega de Villardonel.
BCBG (Occitània)
La còla BCBG (« Banda de Crabas, Bodegas e Grailes ») es un recampament informal de musicians tradicionals que se creèt a l’escasença del festenal Camins de Crabas, per tal de faire encontrar totes los sonaires de craba (o bodega) e de graile, venguts de pertot, a l’entorn d’un repertòri sortit de collectatges de la zòna geografica de la craba.
Lo dissabte 29/07 a Castras : passa carrièra lo matin, animacions lo vèspre e concèrt en serada.
Branka Bodegaires
Lo dissabte 29/07 a Castras : balèti occitan/concèrt en serada.
Escòla de Bodega de Villardonel
Lo dissabte 29/07 a Castras : balèti occitan/concèrt en serada.
Maxence Camelin
Lo dissabte 29/07 a Castras : balèti occitan/concèrt en serada.
Antaral
Lo dissabte 29/07 a Castras : balèti occitan/concèrt en serada.
La Bèla Còla de Grailons e de Viòlas
Lo dissabte 29/07 a Castras : animacions en vesprada.
Monacas
Lo divendres 28/07 a Castras : concèrt polifonic en serada.
Programa del festival Camins de Crabas 2017 (tot a gràtis)
Divendres 28/07/2017 a Castras
- 20h30 (Temple, 2 carrièra del Consolat) : concèrt polifonic de Las Monacas.
Dissabte 29/07/2017 a Castras
- 10h30 – 11h30 : Passa-carrièra e animacions musicalas sul mercat.
- 14h00 – 17h30 (jardin de l'Evescat) : Animacions e repeticions publicas ambe Bèla Còla de Grailons e de Viòlas (vielles et "grailous") e BCBG.
- 20h30 (plaça del 1èr de mai, sala Gérard Philipe se marrit temps) : Balèti occitan/concèrt ambe los gropes BCBG, Branka-Bodegaires, Escòla de Bodega, Maxence Camelin e Antaral.
BCBG: Particions, musicas pels musicians
Pour consultar las particions, clicar aicí