Cercle d'Albi
Lo local
Lo Centre Cultural Occitan de l'Albigés a causit coma nom d'ostal Centre Occitan Ròcaguda.
1 000 ans d'istòria vos espèran al Centre Occitan Ròcaguda.
Al delà d'aqueste simbòl del país albigés, tenem mai que mai a las valors de convivialitat, de tolerància, d'escambi e d'internacionalitat. Los trobadors foguèron los primièrs a téisser de ligams culturals en Euròpa.
Es per aquò que lo Centre Occitan Ròcaguda es a l'encòp:
- una veirina de la nòstra identitat culturala
- un luòc d'acuèlh de la creacion occitana
- un centre de documentacion, de conferéncias, de corses
- un punt d'encontre per las autras culturas d'Euròpa
-
Oraris de dobertura:
del diluns al dissabte de las 15 a las 18
-
Noms dels responsables:
President : Eric BARTHE
Clavaire : Miquèl TAYAC
Secretari : Gilbèrt ROUMEC
Animatritz : Emilia BOSC -
Contacte:
Centre Cultural Occitan de l'Albigés
Centre Occitan Ròcaguda 28, carrièra Ròcaguda – 81000 ALBI
05 63 46 21 43
Aquesta adreça email es aparada contra los robots dels spammors, devètz activar Javascript per la veire.
www.centre-occitan-rochegude.org
Facebook : IEO Albigés
Las activitats
-
Cors d'occitan
- lo divendres, de 18.30 a las 20, fòra de las vacanças escolaras, totes nivèls.
-
Talhièrs (fòra de las vacanças escolaras)
- Talhièr de cants : lo dimècres de las 17.30 a las 19. Es un talhièr puslèu qu’una corala : l’objectiu es de descobrir e d’aprene lo mai de cançons occitanas de tota mena e de las restituir simplament, en general a l’unisson. Al delà, s’agís d’utilizar e de viure la lenga dins una activitat agradibla, que permet una socializacion aisida e comunicativa.
- Talhièr de descobèrta d'un libre : lo dimars de las 17 a las 18.30. A la descobèrta d’un libre occitan es un talhièr convivial ont, amassa, legissèm un libre entièr sus l’annada.
- Talhièr de parladissa e escambis (novelaris) : lo diluns de las 15.45 a las 16.30. Talhièr creat per Andriu Batignes a la dintrada de 2017, amb per tòca de far parlar los que gausan pas una lenga qu’ausiguèron… fa plan longtemps, mas qu’an pas jamai, o pauc, practicada.
- Talhièr de lenga e literatura : lo dijòus de las 17.45 a las 19. Lo talhièr de Ramon Ginolhac vos farà sortir de Tarn. Vous farà descobrir d’autors e de dialèctes variats, passejada literària en Lengadòc per començar, puèi en Provença, Gasconha, Lemosin… Ramon es especialiste en « letras occitanas », lo melhor del despartament (los geloses, tiratz vos d’aquí) e modeste en mai d’aquò.
- Talhièr de teatre : lo diluns de las 16.45 a las 18. Lo teatre te fa dintrar dins la pèl d’un personatge, t’aduja a plan parlar la lenga, de trapar de biaisses un pauc doblidats, tanplan los gèstes coma los dires.
- Talhièr de dança : lo diluns a 14.30 a las 16.30. S’i aprenon fòrça danças tradicionalas, lo mai sovent son de danças collectivas : polkà, borrèia, branle, rondèu, valsa, cercle circacian, …
Al son de la bodega, del violon, del graile, la musica pòrta las paraulas… - Talhièr de paleografia occitana : Un divendres per mes, Dona Sylvie Caucanàs animarà un talhièr de paleografia occitana de 18h a 19h30 al COR. Ara a la retirada, l’istoriana nascuda a Albi foguèt – entre autre – directritz de las archivas departamentalas de Perpinhan, puèi d’Aude.Archivista paleografa, vos prepausa de venir descobrir una disciplina passionanta : la paleografia.
- Alestiment de las emissions de ràdio : de las 16 a las 17. Una còla del COR se venga de legir, de dire : de contes, de romans, de poèmas, de recèptas de cosina d’ara e d’un còp èra. Aquò sus Ràdio Albigés, RCF o Ràdio d’Autan. Podètz trapar los oraris en vos entresenhant al prèp d’aquestes ràdios.
-
Sortidas
Sortidas culturalas prepausadas lo dimenge (exemple: caminada Lombèrs – Lautrec, manifestacion a Carcassona, passejada pel val de Viaur).
-
Conferéncias
Long de l'annada tota, de conferéncias relativas a la lenga e a la cultura occitanas vos seràn prepausadas lo dissabte de vèspre. Nos associam de còps amb l'Universitat Per Totes per presentar aquestas conferéncias.
-
Mediateca e librariá
CD, caissetas, DVD: cançons tradicionalas, contaires, rock, jazz, reggae, etc...
Libres: romans, policièrs, dròlles, teatre, contes, gramaticas, diccionaris, metòdes e pedagogia, etc...
Divèrs: bandièras, escudets de cóser, pòrtaclaus, pegassolets, vestits, etc...
-
Bibliotèca
Una partida d'empruntar, l'autra de consultar sus plaça. Bibliotèca numerica. Los animators de l'associacion vos ajudan ambe totas vòstras questions sus la lenga e la cultura occitanas.
-
Mòstras
Mòstras regularas de pintura, gravaduras, esculturas, fotòs, …
Los vernissatges se ténon sovent los dissabtes lo vèspre. Lo Centre Cultural Occitan de l'Albigés i presenta essencialament d'artistas regionals, locals en acordança amb la cultura occitana. -
Servici lingüistic
Revirada de tota mena de tèxtes (etiquetas, menuts, etc...), paganta o a gratis segon lo nombre de mots de revirar.
-
Autras activitats
Dictada Occitana, Joanada, seradas teatre, cafè a tèma, concors d'escritura, …
Tarifas de l'adesion e de las prestacions
Per aderir al Centre Cultural Occitan de l'Albigés (IEO Albi),
Podètz estampar aqueste papieron e lo mandar per corrièr amb lo vòstre pagament
Mandadís e òrdre:
Centre Cultural Occitan de l'Albigés, Centre Occitan Ròcaguda, 28, carrièra Ròcaguda – 81000 ALBI
Nom | |
Pichon nom(**) | |
Adrèça | |
Còdi postal | |
Vila | |
País | |
Telefòn | |
Mèl |
Sòi d'acòrdi per reçaupre d'informacions per mèl: ◊ oui ◊ non
Preni l'adesion per l'annada ............
(*) Compresa l'adesion al Centre Cultural Occitan de l'Albigés / IEO
(**) Se adesion en coble, nom e pichon nom de la segonda persona.
"Conformément à l’article 27 de la loi Informatique et des Libertés, vous disposez d’un droit d’accès et de rectification des données vous concernant dont nous sommes seuls destinataires".